masterterra.usc.esmasterterra.usc.es/drupal/sites/default/files/lib/Cap10.pdf · é planificación....
Transcript of masterterra.usc.esmasterterra.usc.es/drupal/sites/default/files/lib/Cap10.pdf · é planificación....
Territorios a examen: trabajos de ordenación territorial = Territorios a
exame: traballos de ordenación territorial / edición a cargo de Rafael
Crecente Maseda, Urbano Fra Paleo. - Santiago de Compostela:
Universidade de Santiago de Compostela, Servizo de Publicacións e
Intercambio Científico, 2012 244 p. ; 24 cm. – (Cursos e congresos da
Universidade de Santiago de Compostela ; 211)
D.L. LU 42-2012. – ISBN: 978-84-9887-853-0 1. Ordenación do territorio – Galicia 2. Urbanismo − Galicia 3. Solo,
Utilización do − Galicia I. Crecente Maseda, Rafael, ed. lit. II. Fra Paleo,
Urbano, 1961 - , ed. lit. I. Universidade de Santiago de
Compostela. Servizo de Publicacións e Intercambio Científico, ed.
352(461.1)
630*6(461.1):711.14
711.14(461.1)
© Universidade de Santiago de Compostela, 2012
Edita Servizo de Publicacións e Intercambio Científico
Campus Vida
15782 Santiago de Compostela
usc.es/publicacions
Imprime
Librería Troll
Dep. Legal LU 42-2012
ISBN 978-84-9887-853-0
Índice
Agradecimientos 7
Introducción 11
O impacto do pagamento único en Galiza 17
Fátima Docío e María do Mar Pérez
Caracterización dos procesos de repoboación forestal posteriores á
entrada de Galicia na Unión Europea
41
Beatriz Guimarey e Eduardo Corbelle
A utilización do espazo polas explotacións gandeiras. Estudio da
comarca da Terra Chá, Lugo
57
Manuel Giménez, Eduardo Corbelle e Francisco J. Ónega
A consideración dos asentamentos rurais nos procesos de xestión
de terras: o caso da concentración parcelaria e a ordenación de
núcleos rurais
71
Nieves Pérez ,Rafael Crecente e Francisco J. Ónega
El entorno inmediato del núcleo en el planeamiento rural.
Delimitación como área de transición para aplicar la concentración
parcelaria
91
Vasco Barbosa, Eduardo Corbelle y J. Ambrosio Ferreira
Estudio da utilización de información catastral para a elaboración
das bases definitivas nos procesos de concentración parcelaria en
Galicia
115
Dorinda Sarmiento, Francisco J. Ónega e David Miranda
Una introducción al Modelado Basado en Agentes para la
simulación de cambios de usos del suelo
135
Jeanneth M. Galvez, Eduardo Corbelle e Andrés García
Sintaxis espacial de la ciudad de Lugo 155
José L. de la Barrera y Urbano Fra
Escenarios de riesgo de incendio actuales y potenciales en el
Municipio de Lugo
177
Ivonne M. González y Urbano Fra
Predición de incendios forestais. Análise do índice de risco e
metodoloxía alternativa
203
Iván Sánchez, Urbano Fra e Enrique Fernández
Escenarios actuais e potenciais de risco de inundación costeira na
área metropolitana de A Coruña
225
Xurxo Loureiro e Urbano Fra
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
203
Predición de incendios forestais. Análise do
índice de risco e metodoloxía alternativa
Iván Sánchez39,a, Urbano Fraa, Enrique Fernándezb
a Laboratorio do Territorio (LaboraTe), Universidade de Santiago de Compostela b Protección Civil, Concello de Lugo
Resumo A diversidade de factores que interveñen nun incendio forestal, que afectan a súa
propagación e que propician a degradación do capital físico e natural dun
territorio ten una gran complexidade que debe ser estudada desde varias perspectivas. Este capítulo analiza a serie histórica do concello de Lugo e a
intervención dos instrumentos de planificación local e autonómicos. A análise realizada permitiu detectar que a planificación a distintos niveis administrativos
non concorda dunha forma eficiente. Actualmente as zonas de alto risco (ZAR) son útiles para a xestión é planificación, pero non é seguro que esta categoría
sirva á prevención. Neste traballo analízase a súa aplicación e propóñense
alternativas de cálculo, identificando factores relevantes do risco de incendio. Entre eles, cabe citar o nivel de proximidade e a densidade de uso forestal por
parroquia. As propostas máis relevantes de análise son introducir o efecto de difusión dende os concellos limítrofes, considerar a simultaneidade de incendios
para a intervención e a importancia do seguimento e control para a predición.
Palabras chave incendio forestal, índice de risco, vulnerabilidade
Abstract The diverse factors that intervene in a wildfire, with critical effects in its propagation, and which increase the loss of physical and environmental capital of
a region, have to be analyzed from different perspectives. This research examines historical wildfire data series in the municipality of Lugo, and the role of the
planning instruments both at the local and regional scales. The analysis allowed
to understand how planning at different administrative levels do not agree in their goals. High-risk areas (ZAR) are a useful zoning instrument in management, but
this category is not being useful for prevention. This research analyses their application, and alternatives are proposed based on the identification of new
relevant factors of wildfire risk, among them, proximity and forested land per parish. It has been found that is very relevant to take into account the diffusion
effect from neighbor municipalities, to consider wildfire co-occurrence, and the
relevance of monitoring and control operations to predict their behavior.
Keywords risk index, vulnerability, wildfire
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
204
1. Introducción
A paisaxe de risco en Galicia está formada por incendios forestais,
tormentas invernais con ventos e precipitacións intensas, sismos, ondas
de frío e calor, entre outros. Entre eles, un dos perigos naturais mais
relevantes na destrución do territorio galego son os incendios forestais, xa
que tódolos anos xeran importantes danos económicos, ecolóxicos e
sociais, en moitos casos irreversibles (Fra, 2010). Os incendios forestais
producen unha alteración das condicións naturais do medio, en función
das dimensións (espacial, temporal)do mesmo. O abandono agrario, a
poboación dispersa, o despoboamento rural, a superficie de masa forestal,
as especies predominantes cultivadas nos bosques productivos, e a falta
de xestión destes bosques son factores que agravan as perdas de Galicia
ante os incendios.
A administración aplica medidas preventivas e activas para facer fronte
ós incendios forestais, mediante os plans determínase o risco de incendio
e realízase a asignación de medios de prevención é extinción. Dada a
importancia e os esforzos que se realizan para paliar os incendios
forestais, requírese facer unha avaliación dos índices utilizados para
adoitar as medidas de prevención. A Xunta de Galicia, como se cita no artigo 6 da Lei de prevención e defensa contra os incendios forestais de Galicia,
ten competencia para elaborar e aprobar o Plan anual de prevención e
defensa contra os incendios forestais de Galicia (PLADIGA, 2007). Este
plan ten por obxectivo definir a organización e o procedemento de
actuación dos recursos e servizos para facer fronte ós incendios forestais
dentro do territorio galego. Dentro das funcións básicas destaca a de
definir as épocas de risco de incendios forestais, en función das previsións
meteorolóxicas e dos diferentes parámetros locais para a asignación é
planificación dos medios de defensa e extinción de incendios. De acordo
coa Lei 3/2007, os concellos tamén están obrigados a ter un Plan
Municipal de Prevención e Defensa contra Incendios Forestais
(PMPDIF) integrado no plan de emerxencia municipal. A prevención,
defensa é prioridade de actuación fronte os incendios forestais tamén
están definidas no mesmo.
En función do anterior, é necesario revisar a metodoloxía de
identificación de zonas de risco e de predición. Téñense proposto varios
parámetros é índices que para determinar o risco de incendio (Juárez,
1998; Guillermo, 1990; Cadenas, Mestre, 2000; Velázquez, 2008). A
análise dos factores que interveñen nun incendio forestal son o punto de
partida para iniciar a investigación encamiñada a unha mellor prevención
é planificación. O obxectivo deste estudio é explorar a introdución de
novas variables no cálculo dos índices de risco e modificar os parámetros
é valoracións actuais. Para iso se analizan as áreas queimadas e a
prevención desde 2006 como resultado do cambio nas políticas de
prevención, así como a relación coa prevención e nivel de risco local nos
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
205
últimos 10 anos. Finalmente faise unha análise comparativa das áreas de
risco en plans de distinta escala administrativa en relación co rexistro
histórico, e propóñense vías de mellora do cálculo coas variables
utilizadas é propóñense novos parámetros para o índice do risco.
2. Metodoloxía
2.1. Metodoloxía de avaliación do risco de incendio no PLADIGA
Os criterios utilizados polo PLADIGA para definir as diferentes
categorías de incendio consisten en diferenciar o ecosistema afectado é a
superficie do mesmo. (Figura 1). Cada ecosistema forestal ten unhas
características específicas, polo que a planificación da intervención require a súa definición . Como fonte de información utilizouse o Terceiro
Inventario Forestal Nacional (2001-2002).
Figura 1. Criterios de clasificación das situacións de conato, incendio e queima
(PLADIGA. 2011).
En función do nivel de risco de cada zona forestal, planifícanse unhas
medidas para a prevención é extinción dos incendios. Neste sentido
defínense as zonas de alto risco (ZAR) onde, aparte de planificar medidas
de prevención, asígnanse medios de extinción ante un posible incendio.
Para determinar as zonas ZAR utilízanse os seguintes criterios:
Concellos que conteñen unha parroquia de especial vixiancia
(PEV)
Concellos nos que houbo máis de 250 lumes nos últimos dez
anos
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
206
Concellos situados na costa atlántica rodeados de superficie
ZAR
Volume de poboación residente
Ademais, o PLADIGA aplica o concepto de vulnerabilidade que define
como o grao de perdas ou danos que poden sufrir ante un incendio
forestal, a poboación, os bens e o medio ambiente. A vulnerabilidade está
composta por tres elementos: a poboación, o valor dos ecosistemas
forestais e a protección do solo fronte á erosión. O PLADIGA define a
vulnerabilidade poboacional como o grao de fraxilidade que presenta
unha poboación determinada ante un posible incendio forestal. A nivel
municipal utilízanse os seguintes catro indicadores e pesos:
Densidade de poboación (habitantes/km2 de superficie forestal)
(cun peso do 50%)
Densidade de núcleos de poboación (núcleos/km2 de superficie
forestal) (cun peso do 25%)
Porcentaxe de persoas maiores de 65 anos (cun peso do 12,5%)
Distancia media dos núcleos de poboación á superficie forestal
(cun peso do 12,5)%
A vulnerabilidade dos sistemas forestais, ou valor dunha masa forestal,
calcúlase a partir do valor integral dos sistemas forestais, que integra o
valor económico, recreativo e ambiental. A fonte de información para
obter este indicador é o Terceiro Inventario Forestal Nacional (III IFN).
A vulnerabilidade municipal calcúlase mediante o valor económico
medio dunha hectárea forestal do concello, e distingue entre catro niveis:
vulnerabilidade baixa, ata os 8,41€/ha; moderada ata 15,02€/ha; alta ata
os 21,03€/ha e, por último, moi alta ata 523,88€/ha.
A vulnerabilidade do solo mídese utilizando o indicador erosión potencial. No Inventario Nacional de Erosión de Solos (INES) defínese a
erosión potencial como aquela perda de solo que tería lugar considerando
exclusivamente as condicións de clima, xeoloxía e relevo. Ademais, á
hora de analizar as perdas ambientais ocasionadas por un incendio, a
erosión potencial debe modificarse en función da capacidade de
recuperación da vexetación.
Por último, o proceso de zonificación consiste en integrar
cartográficamente tódalas variables, asignando territorialmente os
recursos de protección da forma máis axeitada. Para integrar o valor do
risco coas distintas vulnerabilidades, se lle asigna un peso dun 70% ao
risco de incendio é dun 30% ao conxunto das vulnerabilidades. Como
resultado desta obtense territorialmente as zonas de risco que servirán
para actuar sobre a prevención e defensa do territorio en función da
época de perigo.
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
207
No artigo 9 da Lei de prevención e defensa contra os incendios forestais
de Galiza exponse que a Consellería con competencia en materia forestal
establecerá as distintas épocas de perigo. En función do nivel de perigo
adóptanse diferentes medidas e dispóñense diferentes medios de
prevención e extinción.
Para o establecemento do índice de risco diario de incendio, conforme o
artigo 10 da lei 3/2007, teránse en conta os seguintes factores: situación
meteorolóxica, estado da biomasa vexetal, estado das infraestruturas
preventivas das masas arbóreas e o estado do solo, e defínense cinco
niveis do índice de risco (IRDI) (Táboa 1).
Táboa 2. Clasificación do IRDI (PLADIGA, 2007).
Índice IRDI Grao de risco
diario
Probabilidade de
ignición
Cor
1 Baixo 1–32% Azul
2 Moderado 32–56% Verde
3 Alto 57–68% Amarelo
4 Moi alto 69-81% Laranxa
5 Extremo >81% Vermello
2.2. Metodoloxía de avaliación do risco de incendio no PMPDIF
No Plan Municipal de Prevención e Defensa contra Incendios Forestais
(PMPDIF) caracterízanse os incendios forestais ligados a afección de
zonas habitadas, que se define como risco de incendio de interface
forestal-urbana (PMPDIF, 2009). O Decreto 105/2006 de 22 de xuño,
establecer unha serie de medidas para facer fronte a este risco definindo
como zona de potencial risco de incendio forestal as áreas rurais dentro
dun perímetro de 400 m arredor dos núcleos asignándolle un nivel de
protección, e das zonas de monte a 100 m con restricións de diversas
actividades.
No Plan de Actuación Municipal (PAM, 2009) do Concello de Lugo
tamén se ten en conta o risco de incendios forestais para definir as
actuacións prioritarias a levar a cabo. Para elo, neste documento
analízanse os datos históricos dos incendios forestais por parroquia entre
1999 e 2008 proporcionados polo Servizo de Defensa Contra Incendios
da Xunta de Galicia (SDCIF) e calculase o Índice de Risco Local de
Incendios ou Perigo Básico (PB). Este índice determina as parroquias
onde o risco de incendio é mais elevado, permitindo a zonificación, e se
calcula segundo [1].
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
208
PB If x Ic x Mi [1]
Sendo PB o risco local de incendio, If o índice de frecuencia, Ic o índice
de causalidade e Mi a perigosidade do combustible vexetal. O índice de
frecuencia é «o promedio do número de lumes nunha determinada zona e
para un período de observación concreto» (Vélez, 2000). O índice de
causalidade proporciona «unha idea da causa máis frecuente dos
incendios forestais no período e zona considerada» (Vélez, 2000). O
índice de causalidade calcúlase en función do coeficiente de perigosidade
segundo a causa, o número de lumes por cada causa é o número de lumes
totais. «A perigosidade do combustible depende da especie predominante,
o seu contido de humidade e acumulación … reflíctese en forma de
coeficiente de inflamabilidade (Mi)» (Vélez, 2000).
Outros factores que inflúen no comportamento do lume, son as
condicións atmosféricas (precipitación, temperatura, humidade relativa e
vento) e a topografía. Este último factor incorpórase no PAM a partir das
compoñentes pendente, orientación, configuración do relevo e altitude
cunha ponderación respectiva do 40%, 30%, 20% e 10%. Ó dispoñer de
dúas valoracións (Risco local é perigo local) o PAM unifícaos mediante o
Índice de Risco Xeral mediante unha matriz de valores (Táboa 2).
Táboa 2. Obtención do índice de risco xeral (PAM de Lugo, 2009).
Perigo local (obtido mediante simulación)
1
Baixo 2
Medio 3
Elevado
4 Moi
elevado
Risco local
(análise de
series
históricas)
1 Baixo
1 2 3 3
2 Medio
1 2 3 4
3
Elevado 1 3 3 4
4 Moi
elevado 2 3 4 4
Para obter un coñecemento mais local analizouse a evolución da
superficie queimada nos últimos dez anos no concello de Lugo utilizando
os datos do Rexistro Histórico de Incendios (base de datos nacional de
incendios forestais que recompila información normalizada desde 1968
en todo o territorio estatal). Cada incendio esta definido por un conxunto
de parámetros: ámbito territorial administrativo, localización parroquial,
tipo de incendio, causalidade, tempo de duración, tempo de reacción,
superficie de masa forestal queimada é persoal de extinción, entre outros.
Os datos foron convertidos en información xeográfica para interpretar os
patróns espaciais.
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
209
Figura 2. Mapa de incendios forestais en 2006 (Consellería do Medio Rural,
2006).
3. Resultados
O PLADIGA elaborouse en 2007, que substituiu ao antigo INFOGA
(Plan anual de prevención e defensa contra incendios forestales de
Galicia), por mor da situación vivida no verán do 2006 no que se
queimaron cerca de 95.000 ha no territorio galego (Fra, U. 2010). Entre
as principais novidades encóntrase o cálculo do IRDI, a xestión de lumes
en tempo real e a expedición de autorización das queimas por teléfono, e
un cambio organizativo na prevención de incendios. Un dos cambios
mais significativos foi a definición de novos conceptos de risco. A
declaración de zonas de alto risco (ZAR) levou consigo a transformación
da avaliación do risco a nivel municipal. No antigo INFOGA estas zonas
denominábanse Zonas de Especial Risco (ZER) é calculábanse a nivel
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
210
parroquial (PEV: parroquias de especial vixiancia. O salto de nivel da
parroquia ao concello deu lugar en moitos casos a unha sobrevaloración
do risco de incendio. Sinalando algúns exemplos, observamos cómo no
mapa de lumes en zonas de especial risco de incendios de 2006
(Consellería do Medio Rural, 2006) os concellos de Friol, Bóveda, Zas ou
Verín so teñen unha única PEV e sen embargo, non debería considerarse
todo o concello unha zona de alto risco. Se aplicamos o criterio do
PLADIGA, e asumimos que unha parroquia ZER é similar a unha PEV,
cada concello que conteña una PEV, pasa a ser considerado zona ZAR.
Figura 3. Relación entre incendios forestais en 2006 é zonas ZER a) Friol, b)
Bóveda, c) Zas e d) Verín. Fonte: Consellería do Medio Rural, Xunta de Galicia
(2006).
Observase (Figuras 2 e 3) que a situación nos concellos limítrofes pode
afectar ao territorio dun concello. En moitos casos, a masa forestal é
continua entre ambos concellos e por iso o PLADIGA asigna o mesmo
risco ós dous concellos. Este efecto de difusión pode levar consigo a
asignación de medios a dous concellos (polo feito de ser ambos zonas
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
211
ZAR), pero, en realidade, bastaría con ter unha única zona de xestión.
Por outra parte, cabe destacar que na planificación do 2006 reducíronse
administrativamente as zonas de especial risco de incendio (ZER). O
efecto secundario foi a redución dos medios de prevención é extinción en
mais de 700 efectivos, entre outras medidas. Analizando este aspecto en
relación a evolución histórica do número de incendios, no 2006 houbo
menos medios co ano anterior pero, en contraposición, a superficie
queimada cuadriplicou a superficie media dos últimos dez anos (Figura
4). Nos anos posteriores obsérvase que tanto o número de incendios
coma a superficie queimada foron moi inferiores. Tamén hai que ter en
conta que estas superficies non tiñan condicións para incendiarse de novo
por falta de biomasa.
Figura 4. Superficie queimada nos incendios forestais en Galicia no último
decenio (PLADIGA, 2011).
Os incendios forestais no concello de Lugo (Figura 5) no período 2001-
2010 mostran unha frecuencia media de 47 incendios por ano e unha
extensión media de 1,4 ha. Rexistráronse neste período tres incendios de
grandes dimensións. En 2003 dous incendios en Teixeiro é Vilachá de
Mera queimaron 306 é 54 ha respectivamente, e en 2006 unha superficie
de 79 ha en Bóveda. Se non contabilizamos estes incendios mais
destacados, a serie mostran un número de incendios constante e descende
a superficie media por incendio de 1,4 ha a menos de media hectárea
(0,47 ha), cunha unha tendencia ao descenso no período de estudio.
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
212
Figura 5. Evolución do número de incendios e superficie queimada no
concello de Lugo no período 2001-2010.
Un dos aspectos que afectan de forma notable á xestión dos medios de
prevención e extinción é a simultaneidade dos incendios forestais. No
caso dos incendios de 2006 a maioría deles ocorreron a mediados de
agosto. Aínda que os medios fosen suficientes segundo o risco previsto, o
feito de haber varios lumes fai que a dispoñibilidade se reduza e derive en
incendios de longa duración e, polo tanto, máis devastadores. O 19 de
xuño de 2003 houbo 8 incendios, dos cales 5 solapáronse temporalmente.
Na Táboa 3 pódese observar como a superficie queimada en cada un foi
escasa a excepción daqueles que ocorreron simultaneamente.
Táboa 3. Características dos incendios no concello de Lugo o 19 de agosto de
2003 (SDCIF, 2009).
Data inicio Data fin Parroquia Superficie (ha)
19/06/03 06:00 19/06/03 06:45 ADAI (Santa María Madanela) 0.40
19/06/03 07:45 19/06/03 10:45 ORBAZAI (San Miguel) 1.00
19/06/03 14:00 19/06/03 15:30 ADAI (Santa María Madanela) 0.10
19/06/03 16:45 19/06/03 18:30 ORBAZAI (San Miguel) 2.50
19/06/03 18:20 19/06/03 21:25 LABIO (San Pedro) 3.00
19/06/03 18:40 20/06/03 00:55 TEIXEIRO (Santa María) 15.00
19/06/03 20:30 20/06/03 09:00 COESES (Santa María Madanela) 16.50
19/06/03 21:50 20/06/03 01:55 BÓVEDA (Santa María) 2.50
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
213
3.1. A prevención e actuación nas áreas incendiadas
Dende a elaboración do PLADIGA o número de zonas ZAR en Galicia -
195- é constante (Figura 6). Isto pode ser un síntoma da rixidez do índice
de risco. É esperable que os factores asociados ó risco varíen anualmente,
particularmente as condicións meteorolóxicas, da biomasa ou o índice de
frecuencia de incendios, o que non parece ter reflexo na designación de
zonas ZAR.
Figura 6. Mapa de concellos ZAR en 2006-2011 (PLADIGA, 2011).
Independentemente da asignación en función das parroquias PEV, no
caso do número de lumes habería que preguntarse se umbral -250- é
válido. Nos últimos 10 anos en Lugo houbo 468 incendios (cunha media
de 47 incendios por ano), criterio polo que foi considerado como ZAR no
transcurso do tempo. Ademais do número absoluto de incendios habería
que ter en conta a relación coa superficie queimada, e a dispoñibilidade
de medios de extinción.
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
214
En canto á asignación directa da condición de ZAR aos concellos que na
costa lindan cun concello ZAR este criterio fai que tódolos concellos
costeiros teñan esta condición. O feito de que na costa se concentre gran
parte da poboación e haxa masas de bosque productivo fai que o risco
sexa alto por si mesmo. De modo que en 2006 os maiores incendios
forestais producíronse nesta área (Figura 5). Prescindir do criterio de
linde entre concellos da costa pode deixar de ser tomado en
consideración dado que non cambiaría a calificación da zona costeira
polo feito de ter risco alto de incendio (gran poboación, grandes masas de
bosque productivo).
Dentro do concello de Lugo destaca o caso particular da parroquia de
Santa María de Teixeiro, situado ao norte. Esta parroquia presenta un
nivel de risco xeral moi elevado segundo o PMPDIF e, en cambio, dende
2003 non hai ningún incendio rexistrado. Entre o 1999 e 2003, houbo
unha media dun incendio por ano, e con efectos limitados (en torno a
unha hectárea queimada). Só destaca un único incendio cunha superficie
de área queimada de 306 ha. A diferenza con respecto ó resto de
incendios é tan importante que se considera necesario facer unha análise
máis específica. Este incendio iniciouse tras dous días nos que foron
aparecendo varios focos activos en todo o concello (Táboa 4). Ademais,
no momento de detectarse, había outros incendios simultáneos. Estes
foron factores importantes a ter en conta na interpretación do tempo de
resposta e dos medios dispoñibles para a extinción do incendio.
Táboa 4. Características dos incendios na parroquia de Teixeiro (Lugo) entre
1999 e 2003 (SDCIF, 2009).
Data de
inicio
Data de
control
Data
de fin
TOTAL Reacción Duración
02/08/99
18:50
02/08/99
19:10
02/08/99
19:45
0,05 0:10 0:55
19/03/00
23:25
20/03/00
01:00
20/03/00
01:10
0,05 1:30 1:45
13/08/00 15:10
13/08/00 15:30
13/08/00 16:40
0,03 0:10 1:30
09/05/01 15:40
09/05/01 16:50
09/05/01 17:15
0,20 0:10 1:35
02/07/02 02:00
02/07/02 03:30
02/07/02 04:05
0,13 0:45 2:05
10/05/03
16:20
10/05/03
17:00
10/05/03
17:45
0,30 0:05 1:25
19/06/03
18:40
19/06/03
22:25
20/06/03
00:55
15,00 0:05 6:15
21/06/03
14:35
22/06/03
05:26
22/06/03
22:00
290,30 0:35 31:25
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
215
Das 306 ha queimadas a superficie predominante era pino duns 15 anos
de idade, unhas condicións da biomasa que dificultaron as labores de
extinción. É probable que iso causase un incendio tan devastador dunha
duración de mais de 31 horas. Foi dun incendio moi distinto ós que
habitualmente suceden no concello de Lugo debido á extensión do
mesmo. Outra carencia é a falta de consideración das zonas afectadas por
incendios recentes. Ó ser un incendio importante, o ano seguinte esta
zona tiña un risco de incendio moi baixo, pola falta de biomasa na
parroquia, tendo en conta que as 306 ha queimadas supoñen máis do
30% da área forestal total da parroquia.
A designación como parroquia de risco ten implicacións na planificación
é asignación de medios, incidindo directamente na capacidade de
extinción dos incendios. Entre o PLADIGA e o PMPDIF hai
discrepancias á hora de definir as parroquias do Concello de Lugo con
risco de incendio forestal, dado que ambos plans utilizan metodoloxías
distintas (Figura 7). No caso do PLADIGA, so hai tres parroquias de
especial vixiancia (Bóveda, Lugo e Santalla de Bóveda). En cambio, no
PMPDIF, o risco moi elevado asígnaselle a cinco parroquias e con risco
elevado a outras dezasete.
Figura 7. Áreas PEV (criterio do PLADIGA) e nivel de risco xeral (criterio do PMPDIF).
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
216
Figura 88. Áreas PEV (con trama), áreas de risco xeral e localización dos
incendios do concello de Lugo de 2005 a 2010.
Tras verificar as diferenzas existentes entre os plans é necesario
comprobar o axuste coa realidade. Para avaliar a efectividade da
predición pode compararse o grao de correspondencia entre as áreas
identificadas na predición é as areas realmente incendiadas no pasado.
Para isto, faise unha comparación entre a clasificación de risco xeral de
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
217
incendio, as parroquias PEV e as áreas onde ocorreron os incendios
forestais dende 2005 ata 2010.
Figura 9. Mapa de isocronas do tempo de reacción do servizo de bombeiros
(PMPDIF, 2009).
Partindo do principio de que a avaliación do risco depende de máis
factores que os incendios históricos, a análise permite observar que o
nivel de risco xeral concorda cos incendios ocorridos na parte central do
concello, en cambio nas zonas sur e norte hai discrepancias coa
asignación do risco, posiblemente debido á intervención dos factores
biomasa e topografía que elevan o risco de incendio. Unhas veces por
exceso (predicíase mais do que ocorreu) e outras veces polo contrario. As
parroquias de Vilachá de Mera e Teixeiro so presentan un único rexistro
de incendio no período, pero foron sempre clasificadas como áreas de
risco moi elevado, posiblemente por efecto da importancia dos incendios
que ocorreron no 2006 (predición por exceso). Por outro lado, no
perímetro da parroquia de Lugo hai un gran número de incendios, o que
concorda co nivel alto de risco estimado. O mesmo sucede na parroquia
de Santa María de Bóveda, ao leste de Lugo. En canto ás zonas PEV
(figura 8), tanto Lugo como Bóveda concordan polo elevado número de
incendios que se rexistraron. No caso de Santalla de Bóveda, esta
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
218
cualificación sería máis discutible. Isto resalta a necesidade de facer
control e seguimento das medidas tomadas, o que serviría para mostrar a
eficacia na utilización dos medios e, sobre todo, da planificación
realizada.
Para comprobar se existe unha relación entre o tempo de resposta dos
medios de extinción –ou tempo de reacción- e a duración dun incendio,
debido a que o avance do incendio nos primeiros momentos dificulta a
extinción posterior, ao ser un área mais extensa e con mais frontes, fíxose
unha análise utilizando os datos do PMPDIF. No caso do Concello de
Lugo, a localización da base dos bombeiros ao norte da cidade de Lugo
condiciona o tempo de resposta para cada área do concello (Figura 8), o
que afecta particularmente ao suroeste onde os tempos de reacción están
por enriba dos 15 minutos. Os datos do modelo concordan bastante ben
cos datos de resposta real, dado que na periferia estiveron no rango de 15
a 45 minutos (Figura 9).
Pode observarse que en 2005 a resposta ós incendios na parroquia de
Lugo presenta un tempo excesivo (entre 20-30 minutos) tendo en conta a
proximidade da base de intervención dos medios. Esta situación mellora
en 2006, con menores tempos de resposta (5-10 minutos). Hai que
destacar a rápida resposta nos incendios da parte sur do concello en
relación ás isocronas do modelo, polo que se estima que a extinción foi
realizada con medios dos concellos veciños. Finalmente, en 2007
obsérvase tamén como as parroquias do noroeste do concello teñen
tempos de resposta moi pequenos (5-10 minutos). En xeral, os tempos de
reacción varían dun ano a outro, mentres que son homoxéneos no
mesmo ano. Isto fai pensar na fiabilidade da fonte de datos dos tempos de
reacción, que poden utilizar valores estándar para cada parroquia e non a
tempos medidos.
É preciso considerar as áreas queimadas como unha variable adicional
para a definición do risco en anos sucesivos. No caso da parroquia de
Teixeiro os datos históricos amosan que dende o importante incendio de
2003 non se produciu ningún outro. En cambio, esta parroquia sempre
foi calificada cun nivel de risco de incendio moi elevado.
A serie histórica de incendios en Lugo (Figura 10) sinala que o número
de incendios na parroquia de Teixeiro foi reducido –tralo incendio de
2003-, mentres que a superficie queimada no concello foi a maior nos
últimos dez anos. Algo similar sucedeu na parroquia de Vilachá de Mera
cun incendio que superou as 50 hectáreas. No caso de Bóveda e Lugo,
ocorreron moitos incendios pero a superficie queimada foi escasa. Sen
embargo, estas parroquias tamén foron cualificadas con risco moi
elevado, polo que se pode deducir que, independentemente doutros
factores, a prevención ou rápida actuación ten impacto na dimensión dos
incendios.
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
219
Figura 10. Tempo de reacción na intervención nos incendios históricos do
concello de Lugo en 2005, 2006 e 2007.
Figura 11. Número de incendios e superficie queimada por parroquia no concello
de Lugo entre 1999 e 2010.
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
220
Deste modo podería incorporarse unha medida similar a un índice de
áreas queimadas (IAQ). Este índice sería a relación entre a superficie
queimada dunha masa forestal é a área total da mesma (expresado en
porcentaxe).
Sendo = índice de áreas queimadas
= Superficie forestal queimada (ha)
Sf = Superficie forestal total (ha)
Este índice debería calcularse a nivel parroquial considerando tódolos
incendios ocorridos nun mesmo ano. Deste xeito, introdúcese no cálculo
unha medida adicional da capacidade combustiva da biomasa, que
repercute no cálculo do índice de risco de incendio. O índice
introduciríase no cálculo da perigosidade de combustible reducindo
proporcionalmente a porcentaxe de área queimada.
Sendo = perigosidade de combustible
Tamén hai que observar que, segundo transcorre o tempo, a rexeneración
da vexetación terá influencia no índice de risco de incendio (factor cíclico
dos incendios). Por tanto, o índice de área queimada debe ser ponderado
con pesos que representen a variación na rexeneración da vexetación ou
masa forestal. Deste xeito, a perigosidade do combustible pode ser
ponderada utilizando o mesmo criterio de cálculo da vulnerabilidade do
solo no PLADIGA.
( )
Sendo = perigosidade de combustible ponderada
= Rexeneración da vexetación
Cando hai varios incendios, unha das prioridades de actuación é a
evacuación e protección da poboación. Sen embargo estase a incluír a
toda poboación da parroquia sen diferenciar niveis de vulnerabilidade.
Sen embargo hai diferentes vulnerabilidades en función da distancia ao
incendio. Deste modo poderían introducirse no cálculo distintos pesos en
función da distancia do núcleo poboacional á masa forestal, utilizando os
rangos de distancia conforme o borrador da nova lei de montes.
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
221
Táboa 3. Nivel de proximidade dos núcleos á
zona forestal é pesos asociados.
Nivel de proximidade (m) Peso
0-30 0,7
31-100 0,2
>100 0,1
Isto introduce tres niveis de vulnerabilidade da poboación exposta ao
incendio e permite calificar a cada núcleo en función do seu nivel de
vulnerabilidade (Figura 12).
Figura 12. Nivel de vulnerabilidade da poboación residente nos núcleos en
función da distancia ás masas forestais no concello de Lugo.
Este novo cálculo serve para facer unha planificación de prevención
fronte os incendios nos núcleos mais próximos as áreas forestais. Así
mesmo, pode derivarse todo tipo de actuacións unha vez coñecidos os
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
222
núcleos máis vulnerables (información a poboación residente, prioridade
na extinción ante un incendio, creación de infraestruturas de defensa).
Nas parroquias limítrofes hai que ter en conta o efecto de difusión das
masas forestais con continuidade entre dous concellos e considerar os
núcleos dos concellos limítrofes. Para resolver esta dificultade pódese
trazar unha franxa de 500 m de distancia do perímetro do concello
(Figura 12) e estender a análise a esta área. A Táboa 6 sinala a
importancia deste efecto apuntando a que, os núcleos extramunicipais
incorporados a cada nivel de distancia ás masas forestais, representan
entre o 5,5% e o 21,5% dos núcleos preexistentes.
Táboa 4. Número de núcleos nas áreas de proximidade das masas forestais no
concello de Lugo e área limítrofe.
Nivel de proximidade (m) Nº de núcleos de
Lugo
Nº de núcleos de fóra Lugo
0-30 51 11
31-100 87 13
>100 181 10
Total 319 34
Podemos observar que o 16% dos núcleos de Lugo están na área mais
próxima ás masas forestais. Estes núcleos son os que presentan a maior
vulnerabilidade posto que se encontran a menos de 30 m da biomasa
forestal. Se se traduce en poboación afectada, obtemos que 10174
habitantes están expostos a un nivel de risco forestal alto, que representa
o 11% da poboación identificada no PLADIGA. Esta medida serve, por
tanto, para identificar a localización da poboación mais vulnerable, dado
que pode ser a mais afectada por un incendio forestal e a que mais
necesita de medidas e medios de prevención e extinción de incendios.
4. Conclusións
Este estudio permitiu identificar variables que se deberían de ter en conta
no cálculo do risco de incendio, como o factor de contaxio de concellos
veciños, o efecto de atenuación do risco actual tendo en conta os
incendios históricos ou o nivel de vulnerabilidade da poboación en
función da proximidade ás masas forestais, factores relevantes que non se
están a ter en conta na planificación das medidas de prevención.
Ao mesmo tempo obsérvase unha planificación a distintos niveis, con
distintos instrumentos administrativos que non concordan entre si á hora
de cualificar o risco e de priorizar na utilización dos medios. As ZAR son
instrumentos útiles para facilitar a xestión e planificación fronte ós
Te r r i t o r i o s a e x a m e n . T r a b a j o s d e O r d e n a c i ó n Te r r i t o r i a l
223
incendios forestais, pero hai aspectos da realidade que non se teñen en
conta e que serven á prevención, tendo en conta que as medidas de
prevención e medios dispoñibles fronte os incendios forestais teñen un
efecto directo na xestión do efecto dos incendios sobre o territorio. En
último termo o que se está a facer co cálculo dos índices e identificación
de zonas é a delimitar e traducir a políticas o complexo problema do
risco.
Os incendios forestais son un problema perverso, no que interveñen
moitos factores e actores e a asignación de pesos aos indicadores adoece
dunha subxectividade que pode ser neutralizada coa participación dos
actores para alcanzar un consenso. Dentro da complexidade que amosa o
estudio dos incendios, é necesario avanzar tanto na investigación dos
modelos para lograr unha mellor predición como na elaboración de
índices que permitan unha actuación acorde co risco existente. As
propostas indicadas son unha primeira aproximación a unha análise mais
profunda que, se espera algún día se leven a cabo.
Agradecimientos
Una parte de las tareas para realizar este trabajo se encuadran en el
Proyecto de Investigación CSO2008-00560/GEOG, financiado en el
marco del VI Plan Nacional de Investigación Científica, Desarrollo e
Innovación Tecnológica 2008-2011.
Bibliografía
Cadenas, A. Mestre, Mª.T. 2000. Estudio sobre la bondad del índice de riesgo
de incendios forestales utilizado en la campaña nacional de apoyo a la lucha
contra incendios. Madrid: Instituto Nacional de Meteorología.
Concello de Lugo. 2006. Plan Municipal de Prevención e Defensa contra
Incendios Forestais PMPDIF. Concellería de protección da comunicade.
Protección civil.
Consellería do Medio Rural. 2007. Plan de prevención e defensa contra os
incendios forestais de Galicia PLADIGA.
Consellería do Medio Rural. 2010. Plan de prevención e defensa contra os
incendios forestais de Galicia PLADIGA.
Consellería do Medio Rural. 2011. Plan de prevención e defensa contra os
incendios forestais de Galicia PLADIGA.
El Correo Gallego. 2006. La campaña abrió con 750 operarios menos en el
monte que el año pasado. 11 de agosto de 2006.
Te r r i t o r i o s a e x a m e . T r a b a l l o s d e O r d e n a c i ó n Te r r i t o r i a l
224
Fra, U. 2010. Riesgos naturales en Galicia: el encuentro entre naturaleza y
sociedad. Santiago de Compostela: Universidade de Santiago de
Compostela.
Guillermo, J. 1990. Diseño de índices de riesgo de incendios forestales para
Chile. Instituto de Manejo Forestal. Valdivia, Chile. Universidad Austral
de Chile.
INE. 2010. Nomenclátor, Relación de unidades Poblacionales. Año.2010 .
Instituto Nacional de Estadística (www.ine.es)
Juárez, S. M. 1998. Un modelo de riesgo de incendio en Michoacán, México.
Michoacán, México.
La Voz de Galicia. 2006. La cifra de parroquias de vigilancia especial, reducida
a la mitad. 19 de abril 2006.
Molina, D. 2000. Efectos del fuego en los ecosistemas forestales. En Velez, R.
La defensa contra incendios forestales. Fundamentos y experiencias.
Madrid: McGraw Hill.
Velázquez, J. 2008. Estudio del riesgo de incendio para el término municipal de
Santa Cruz de Pinares y los Montes de Utilidad Pública 83, 87 y 128 con el
programa ArcSIG. Madrid: Universidad Politécnica de Madrid.
Velez, R. 2000. La defensa contra incendios forestales. Fundamentos y
experiencias. Madrid: McGraw Hill.
Xunta de Galicia. Gabinete de Comunicación. Novas. 2011. O balance da
loita contra incendios en 2010 é máis favorable que a media dos últimos dez anos,
sendo semellante ao de 2009. 21 de xaneiro de 2011.